Epilepsiya tutma şəklində müşahidə olunan heterogen mənşəli xəstəlikdir. Epilepsiya tutması – baş beyin neyronlarının həddən artıq güclü, hipersinxron boşalmasının klinik təzahürüdür.
Epilepsiya baş-beyinin xroniki xəstəliklərinə aiddir.
Epileptik tutmalar 2 yerə bölünür: kiçik və böyük tutmalar.
Epilepsiyalı insanların xarakterik görünüşü və ya davranışı olur. Onların gözlərinə baxsanız soyuq parlaqlıq, narahatlıq görə bilərsiniz. Epilepsiyanın bir neçə saniyə davam edən "absans" tipli formlarından tutmuş tutmaları dövri şəkildə təkrarlanaraq uzun müddət davam edən Epileptik statusa qədər formaları var. Gecə epileptik tutmaları deyilən bir hal var ki, tutmaların əmələ gəlməsi yuxu ritminin dəyişməsi ilə əlaqədar olur. Bu zaman yuxuda olan şəxs ayılaraq xaotik, əl-qol hərəkətləri edir. Adətən epileptik tutmalardan qabaq xəstədə aura deyilən bir hal baş verir, sanki xəstə hiss edir ki onda tutma baş verəcək. Aura özünü narahatlıq, başgicəllənmə, görmənin zəifləməsi kimi biruzə verə bilər. Qazanılma epilepsiyada isə kəllə beyin travmaları, beyin toxumasının şişləri, qansızma, alkoqol zəhərlənməsi və s təsirindən beyində oyanıq sahə yaranır.
Epileptiklər normal həyat sürə bilirlər, ətrafdakılar üçün təhlükə törətmir, sadəcə onlar əsəbi olurlar. Epilepsiya hazırda müalicə olunur.
Firəngiz Rüstəmova
Avropa Təbii Elmlər Akademiyasının üzvü, "Ailə Həkimi Klinikası"nın həkimi