Avropa İttifaqında (Aİ) Ukraynanın üzvlüyü ilə bağlı rəsmi danışıqlara başlanılması təklifi gündəmə gəlib.

Publika.az xəbər verir ki, bu barədə “Euractiv” nəşri avropalı rəsmilərdən birinə istinadən məlumat yayıb.

Bildirilir ki, Aİ-də 18-19 iyunda keçiriləcək Avropa Şurasının sammitinə qədər Ukrayna ilə üzvlük danışıqlarının ən azı bir mərhələsinin açılması müzakirə olunur. Bu addım Kiyevin Avropa İttifaqına üzvlük yolunda ilk ciddi irəliləyişi hesab edilir.

Nəşr yazır ki, hazırda əsas diqqət Macarıstandakı yeni hökumətin mövqeyinə yönəlib. Çünki keçmiş baş nazir Viktor Orban Ukrayna ilə bu cür danışıqların başlanmasına dəfələrlə veto qoymuşdu.