Suyun az miqdarda belə ağciyərlərə düşməsi bir neçə saat sonra ağciyər ödeminə səbəb ola bilər.

Milli.Az xəbər verir ki, bu, orqanizmdə oksigen çatışmazlığı yaradaraq ciddi fəsadlara yol aça bilər.

Xəbərdarlıq edilir ki, uşaq suda boğulma təhlükəsi yaşadıqdan sonra həddindən artıq yorğunluq və yuxululuq, davamlı öskürək, sürətli və ya çətin nəfəsalma, sinə ağrısı, dodaqlarda göyərmə kimi əlamətlər müşahidə olunarsa, dərhal həkimə müraciət edilməlidir.

Həkimlər valideynlərə tövsiyə edirlər ki, uşaq suda boğulma təhlükəsi ilə üzləşdikdən sonra özünü yaxşı hiss etsə belə, sonrakı saatlarda yaranan əlamətlərə qarşı diqqətli olsunlar.