“Paşinyan hakimiyyətdə qalsa, Rusiyaya gedən yol bağlanacaq”.

Globalinfo.az xəbər verir ki, bunu Ermənistanın sabiq prezidenti Robert Köçəryan deyib

O bildirib ki, Paşinyanın xarici siyasəti Ermənistanı böyük dövlətlərin qarşıdurmasının hədəfinə çevirməməyə əsaslanacaq.

Köçəryanın sözlərinə görə, Nikol Paşinyan hazırda vaxtilə Mixail Saakaşvilinin apardığı siyasəti təkrarlayır.

“Bu gün Rusiya ilə Qərb arasında ziddiyyət daha da dərinləşib və Paşinyan Ermənistanı bu qarşıdurmanın mərkəzinə sürükləyir”, — deyə o bildirib.

Onun fikrincə, Paşinyan hakimiyyətdə qalarsa, Ermənistanın Rusiya bazarına çıxışı tam bağlana bilər:

“Ermənistanın kənd təsərrüfatı məhsulları ixracının 90 faizi Rusiyanın payına düşür. Bu addımları atarkən fermerləri, sahibkarları və istixana işçilərini düşünmək lazımdır. İnsanları çörəksiz qoyub Qərbdən tərif gözləmək doğru deyil”.

Köçəryan əlavə edib ki, onların hakimiyyətə gələcəyi halda Ermənistanın Rusiya ilə münasibətlərində problem yaşanmayacaq.