Ukrayna Prezidenti Vladimir Zelenski hakim "Xalq Xidmətçisi" partiyasından olan Ali Rada deputatları ilə görüşdə Rusiya ilə münaqişənin bu ilin noyabr ayına qədər nizamlana biləcəyini söyləyib.

Axar.az xəbər verir ki, bu barədə ukraynalı millət vəkili Yaroslav Jeleznyak özünün Teleqram kanalında məlumat verib.

“Millət vəkilləri ilə görüşdə prezident bir daha müharibənin nəzəri sonu üçün növbəti tarix elan etdi. Bu dəfə 2026-cı ilin noyabr ayıdır. Təəssüf ki, görüşdə olanlar buna bir o qədər də inanmadılar”, - deyə o bildirib.