Su insanı zəhərləyə bilərmi. Son dövürlər gündə azı 3 litrə qədər su içməyin vacibliyi haqqında məqalələr və danışıqlar haqqında demək olar ki, hamımız eşitmişik, həqiqətdə isə bizə bu qədər su lazımdırmı. Su insan üçün çox vacibdir. Belə ki, ana bətnindəki dölün 90%-i, dogulmaq ərəfəsində 80%-i, böyük insanın isə 50-70%-i sudan ibarətdir. İnsan bədəni elə müdrikcəsinə qurulub ki, su duz balansı tarazlığı pozulmamalıdır. Nə qədər ki, bu balans normaldır insan sağlamdır demək. Normal su qəbulu 2.5 litrdir, isti günlərdə isə 3 litrə qədərdir. Amma necə? 1.5 litr adi su, şirə, müxtəlif içkilər şəklində qəbul edilir. Yerdə qalan bir litr isə meyvə, tərəvəz, digər ərzaqlarların tərkibidə olan mayelərdir. Hətta ətdə belə maye var. Bəs qəbul etdiyimiz maye bədənimizdən necə çıxır? 1.1-1.4 litr maye sidik şəklində, 0.5 litr dərimizdən tər vasitəsilə, 400 ml ağ ciyərlər vasitəsilə, 100-200 ml isə bağırsaqlarla xaric olur. Ən yaxşısı su bir saat ərzində 100 ml olmaqla az-az içilsə məsləhətdir. Birdən birə çox içildikdə osmotik təzyiq dəyişir və əzələ boşluğu, qıcolmalar yaranır. (idmançıları televiziya vasitəsilə izlədikdə suyu qurtum-qurtum içdiklərini görərik). Birdən birə isə 3 litr su içdikdə orqanizmdə su intoksikasiyası yarana bilər. Yəni su zəhərlənməsi. Təzyiq xəstələri, hipotireozlu xəstələr isə maximum 1-1.2 litr maye qəbul edə bilərlər.
Ailehekimiklinikasi.az