Ermənistanın Baş naziri Nikol Paşinyan artıq öz planını həyata keçirməyin son mərhələsinə yaxınlaşır.

Publika.az xəbər verir ki, planın son detalı II Qareginin həbsidir. Bu barədə “Joqovurd” qəzeti yazıb.

"Mənbələrimizə görə, arxiyepiskop Arşak həbs edildikdən sonra baş nazir bütün ermənilərin katolikosunun həbsinə keçəcək, çünki sonuncu heç bir güzəştə getmək istəmir.

Hökumətyönlü mənbələrimizə görə, hüquq-mühafizə orqanları bununla bağlı işləyir və yaxın vaxtlarda katolikosu həbs etməlidir. Soruşa bilərsiniz ki, hansı əsasla? Fərqi yoxdur, əsas odur ki, Patriarx həzrətləri təcrid olunacaq bundan sonra onun istefa mətni internetdə görünəcək. Və bu məktubun həqiqi və ya saxta olması tamamilə əhəmiyyətsizdir. Əsas odur ki, orada II Qareginin istefası mətni yer alacaq və bundan sonra katolikosun uzaqlaşdırılması prosesi başlayacaq”, - nəşr qeyd edir.