İnsanların böyük bir hissəsi mədə üçün faydalı olmayacağına inanaraq turşu yeməkdən çəkinir.

Əslində, 2 xörək qaşığı turşu hətta kanserogen maddələri neytrallaşdıra bilər.

Medicina.az xəbər verir ki, tərəvəz və meyvələrin fermentləşdirilməsi və müəyyən bir müddət saxlanılması ilə hazırlanan turşular bağırsaq sağlamlığında qoruyucu və müalicəvi rol oynayır.

Qidalanma və pəhriz üzrə mütəxəssis Tuba Örnek turşuların faydalarını izah edib.

O, deyib ki, turşuların fermentasiyası prosesində əmələ gələn faydalı bakteriyalar bağırsaqlarda bir çox vitamin və həzm fermentlərini dəstəkləyir.

"Hər hansı bir tərəvəzi turşuya salmaq mümkündür. Lakin, yüksək antioksidan tərkibinə görə kələm və çuğundur üstünlük təşkil edir. Sağlamlıq problemi olmayanlara gündə orta hesabla 2 xörək qaşığı turşu istehlak etməyi tövsiyə edirik. Vacib məqam odur ki, əgər kiminsə qan təzyiqi, böyrək, mədə, ürək və ya diabet kimi xəstəlikləri varsa, tərkibində yüksək duz olduğuna görə turşuların həddindən artıq istehlakından çəkinməlidirlər. Bu xəstələr turşuları pəhrizlərinə daxil etməzdən əvvəl həkimlərinə müraciət etməlidirlər".

Örnek evdə hazırlanmış turşuların faydalarını aşağıdakı kimi sadaladı:

Bağırsaqlarda zərərli bakteriyaların çoxalmasının qarşısını alır.

Bağırsağın pH səviyyəsini tarazlaşdırır.

İnsan sağlamlığı üçün zərərli olan və pəhriz, inhalyasiya və ya dəri təması yolu ilə bədənə daxil olan qurğuşun, civə və arsen kimi ağır metalların xaric edilməsinə kömək edir.

Kanserogen maddələri neytrallaşdırmaq potensialına malikdir.

İmmunitet sistemini gücləndirir.

Müxtəlif bağırsaq xəstəliklərinə qarşı qoruyucu təsir göstərir.

Liflə zəngin olduğundan həzmi asanlaşdırır. Qəbizlik və ishalın qarşısını almağa kömək edir.

Bağırsaq florasını gücləndirərək bədəndəki iltihabı azaltmağa kömək edir.

Örnek evdə hazırlanmış turşuların həmişə hazır variantlara nisbətən birinci seçim olmalı olduğunu vurğulayıb:

"Xlorsuz içməli sudan istifadə etmək, təbii və ya üzvi şəkildə istehsal olunmuş tərəvəzləri seçmək, daş duzundan istifadə etmək və gigiyena standartlarına riayət etmək turşu hazırlayarkən çox vacibdir".