Türkiyə ilə Ermənistan arasında sərhədin açılması birbaşa Bakı və İrəvan arasındakı sülh prosesinin gedişindən asılı olacaq.

Globalinfo.az xəbər verir ki, bu barədə diplomatik mənbədən “RİA Novosti”yə məlumat verilib.

Qeyd olunub ki, Ankara-İrəvan münasibətlərinin normallaşması üçün əsas şərt Azərbaycan və Ermənistan arasında sülh müqaviləsinin imzalanmasıdır.

Mənbənin sözlərinə görə, sərhədin açılması ilə bağlı hələlik dəqiq tarix müəyyən edilməyib, lakin prosesdə müsbət dinamika müşahidə olunur.

Qeyd edilir ki, tərəflər arasında dialoqun davam etməsi və regionda sabitliyin möhkəmlənməsi gələcək addımların əsasını təşkil edəcək.