“Moskva Rusiya Prezidenti Vladimir Putinin ABŞ-ın xüsusi nümayəndəsi Stiv Uitkoff və Donald Trampın kürəkəni Cared Kuşnerlə son təmaslarına Vaşinqtonun cavabını gözləyir”,

Globalinfo.az xəbər verir ki, bunu Rusiya Prezidentinin köməkçisi Yuri Uşakov deyib.

O, həmçinin vurğulayıb ki, hazırda Stiv Uitkoffun Rusiya nümayəndələri ilə növbəti görüşlərinin vaxtı ilə bağlı heç bir anlaşma yoxdur.

Qeyd edək ki, dekabrın 2-də Kremldə Rusiya prezidenti Vladimir Putin, ABŞ prezidenti Donald Trampın xüsusi nümayəndəsi Stiv Uitkoff və onun kürəkəni Cared Kuşner arasında danışıqlar olub. Hər iki tərəf Amerikanın sülh planı ilə bağlı kompromis əldə edə bilməyib.

Prezidentin köməkçisi Yuri Uşakov bəyan edib ki, ərazi məsələsi əsas maneə olaraq qalır.