Qorxu hissi, yəni emosional gərginlik yəqin ki, insan yaranandan var. İlkin insanlar sel, yanğın, daşqın, vəhşi heyvan və təbiət hadisələrini, yırtıcıları idarə edən gözə görünməyən varlıqlardan, pis ruhlardan, qaranlıqdan və s. qorxublar. Amma bu cür qorxunun bizim dildə digər bir əvəzedisi var ürkü, ürkmək, eymənmək kimi. Zaman keçdikcə bu qorxulara tanrı qorxusu da əlavə olunub. Yəni günah işləmiş insanın qara qorxuları və axirət (Xatırlayaq - Ereb və Nyuktanın oğlu, yəni əbədi zülmət və qaranlığın oğlu Xaron ölənlərin ruhunu Axeron çayından, yəni Axirət dünyasındakı çaydan keçirərək Aidə aparan varlıqdır. Axirət sözü ilə Axeron sözü demək olar ki, deyiliş və mənaca oxşar sözlərdir). Dünyasında yaradan tanrını görə bilməmək qorxusu, təkallahlı dinlərdə isə cəhənəm qorxusu da əlavə edildi. Təmiz, saf insan da hər zaman qorxu yaşayır - vicdanını çirklətmək, sevdiyini itirmək, nə qədər günahlardan uzaq da olsalar, sonda Tanrını görə biləcəklərinə inanmamaq qorxusu və s. Bəlkə elə insanların “Tanrı Qorxusu” Qor Tanrısının zamanında yarandı? Qor atasının yerində taxt-tacda oturub dünyanı idarə etdikdən sonra Osiris axirət dünyasında ruhları sorğu sual edən, yəni məhkəmə etmək missiyasını öz öhtəsinə götürdü. Bəlkə elə ona görə bir sıra xalqların dilində məhkəmə sözü də çox oxşardır – Alman d. “gerighh”, Malta d. “gorti “, Korsika d. “curti” və s. Qorxu sözündən bir də “Qorxunc” ifadəsi yaranıb. Alman, Potuqal, İngilis, Qalisiya, İrland, İspan, Latın, Lüksemburq, Sloven d. “horror”, Türk d. “korku-korkunc”, İtalyan d. “orrore”, İsland d.“hrillingur”, Qazax d. “korkınış”, Makedon d.“xoror”, Malta d. “orrur”, Rumın d. “groaza”, Slovak d. “hroza”, Fin d. “kauhu”(Azərbaycan d. işlədilən “qorxu”sözünə bənzəyir), Fransız d. “horreur”, Çex d. “hruza” qorxunc deməkdir. Terror sözünün əsasında da “horror” sözü dayanır. Latın d. “terrere”sözü də “çox qorxunc“mənasını verir. “Terrere”, yəni “titrəmək, qorxmaq” deməkdir. Bizdə də çox qorxduqda belə bir ifadə işlədilir: “qorxudan” və ya soyuqdan “tir-tir titrədim”. “Dədə Qorqud”a Dəmir qapı Dərbənddə “Dədə Xorxud “da deyilir və burada “Xorxud ”sözünün mənasını “zəhmli, qorxunc”kimi də izah edirlər.
(“Hor sivilizasiyası və onun günümüzdə izləri” kitabından) F. Rüstəmova