Şimali Kiprdə keçirilən prezident seçkilərində Cümhuriyyətçi Türk Partiyasının sədri Tufan Ərhürmanın qələbəsi böyük səs-küyə səbəb olub.

Türkiyənin Millətçi Hərəkat Partiyasının (MHP) lideri Dövlət Baxçalı seçkinin nəticələrini sərt şəkildə tənqid edib. Baxçalı səsverməyə az sayda vətəndaşın qatıldığını bildirərək nəticənin Kipr türklərinin əsl iradəsini əks etdirmədiyini söyləyib. O, Şimali Kipr Türk Cümhuriyyətində parlamentin təcili toplanmasını, nəticələrin rədd edilməsini və adanın Türkiyəyə birləşməsini tələb edib.

Şimali Kiprdə bundan sonra vəziyyət necə olacaq?

Globalinfo.az-a danışan politoloq Elxan Şahinoğlu bildirib ki, MHP lideri Dövlət Baxçalı bu fikirləri özünün dəstəklədiyi namizəd Ersin Tatarın seçkilərdə məğlub olmasına görə səsləndirib:

“Digər tərəfdən, Tufan Ərhürman böyük səs fərqi ilə qalib gəlib. O, federasiya tərəfdarıdır və Kipr yunanları ilə birləşməni dəstəkləyir. Baxçalı isə bunu doğru hesab etmir. Ona görə də belə bir təkliflə çıxış edib və adanın Türkiyə ilə birləşməsini tələbini irəli sürüb. Halbuki Ersin Tatar qalib gəlsəydi, Baxçalı belə bir açıqlama verməzdi.

Lakin qeyd olunan arqument inandırıcı deyil, çünki Şimali Kipr Türk Cümhuriyyətini Türkiyə xaricində heç bir dövlət tanımır. Halbuki buna hüquqi əsaslar var. Məsələ ilə bağlı ən əsas mövqeni Türkiye Prezidenti Rəcəb Tayyib Ərdoğandan ifadə edəcək. O da faktiki olaraq Ersin Tatarı dəstəkləyirdi. Açıq şəkildə deməsə də, belə idi. İndi isə Tatar məğlub oldu, amma Ankara mövcud reallığa uyğun addımlar atacaq”.