ABŞ Prezidenti Donald Trampın 20 bəndlik sülh razılaşmasına əsasən, Qəzza zolağında sabitliyin qorunması üçün 4 ölkədən hərbçilər anklav ərazisinə yerləşdiriləcək.

Globalinfo.az xəbər verir ki, bu iddia ilə “The National” çıxış edib.

Nəşr yazır ki, anklavda ümumilikdə 4000 əsgər yerləşdiriləcək. Onlar Misir, Türkiyə, Azərbaycan və İndoneziyadan göndərilmiş hərbçilər olacaq.

Məqalədə qeyd olunur ki, Misir və NATO üzvü olan Türkiyə ABŞ-ın çoxdankı müttəfiqləridir. Azərbaycan, İndoneziya isə Vaşinqtonla sıx əlaqələrə malikdir.

İddialara görə, bunun üçün BMT Təhlükəsizlik Şurasına müvafiq qətnamə təqdim olunacaq. Əsgərlər bir neçə gün ərzində Qəzzaya yerləşdiriləcək. Bu qüvvələr ağır silah və texnikalar aparmayacaqlar. Sadəcə özünümüdafiə məqsədilə odlu silah və zirehli texnikalar olacaq.

4 min nəfərlik qüvvə Trampın planına əsasən, ilk olaraq İsrail ordusunun çəkildiyi ərazilərə yerləşdiriləcək.