Türkiyə rəsmiləri ümid edirlər ki, Rusiya və ABŞ prezidentlərinin Budapeştdə keçirilməsi planlaşdırılan görüşü Ukrayna münaqişəsinin həllində irəliləyişə səbəb olacaq.

Publika.az xəbər verir ki, bu barədə "RIA Novosti"yə Türkiyədəki diplomatik mənbə məlumat verib.

“Bizim gözləntilərimizə gəlincə, ilk növbədə bölgəmiz üçün hiss olunan nəticələri olan münaqişənin həlli istiqamətində real addımların atılmasına ümid edirik,” – deyə agentliyin mənbəsi bildirib.

Bundan əvvəl Rusiya Xarici İşlər Nazirliyi açıqlamışdı ki, Rusiya diplomatları prezidentlərin görüşünə hazırlıq məqsədilə “çox dərin və həqiqətən ciddi” iş aparırlar.

"Wall Street Journal" isə yazıb ki, Donald Tramp və Vladimir Putin arasında ikitərəfli görüşdən əvvəl Vaşinqton Rusiya tərəfi ilə Alyaska sammitindən daha çox məsləhətləşmə keçirməyi planlaşdırır.