Gor - Azərbaycan folklorunda axirət dünyasıdır, yəni o biri dünyadır. Gor/Qəbir Ana rəhminin, yəni adam dünyaya gəlməzdən əvvəl olduğu Ana bətninin rəmzidir. Ana Tanrıçalar yaradıcı olmaları ilə yanaşı, bir başa ölümlə də əlaqəlidirlər. Qəbir/Gor, yalnız adamlar üçün deyil, Tanrıların və insanların həyatını, dünyanı xilas etmək missiyası ilə dünyaya göndərilmişlərin də ikinci dəfə, yenidən doğularaq həyata gəlmək üçün gözlədikləri Yerdir, Ananın bətnidir. “Yaradan da O-dur, məhv edən də“! Qəbir/Məzar sözü Eston d. “Kirst”, İngilis, Bask, İtalyan, Portuqal dillərində“Grave”, Bolqar, Bosna, Rus, Sloven, Xorvat d. “Grob/Qrob”, Çex, Sloven d. “Hrob”, Friz d. “Grev”, İsland d. “Gröf”, Niderland d. “Graf”, İsveç, Dat, Norveç d. “Grav”, Vall d. “Arch”adlanır.F. Ağasıoğlu “Etrusk - Türk bağı” kitabında yazır: “Herodot yazır ki, saqalar əcdadları uyuyan məzarlığa “Gerr” deyirlər. Bunun“gor” sözü olması mümkündür. Sumer inanışına görə “Kur” ölənlərin kölgəsi yaşayan yeraltı məkandır və tanrıca Ereşkiqal buranın sahibidir. Doğu türklər obiri dünyanın ağasına Erlik deyir. Koroğlu gorda, yeraltı dünyada doğulur. Bu mifik qəhrəman türkmən variantında Qöroqlı (gor-oğlu) adlandığı kimi, tacik variantında da onun goroğlu (qur-zad) epiteti vardır. Herakl kimi öncə başqa adı olan bu uşağa Goröğlu adını övliyalar verir”. Kur/Gor/Gerr ... Deniz Karakurta görə: “Gur, Yəni Gor İyəsi: Məzarlığın Qoruyucu Ruhu. Ekvivalenti: GOR İYESİ Məzarlara sayğısızlıq göstərən insanlara musallat olurlar. Anlam: (Gur/Gor/Kur/Kor). Bu kök Sümerlərdən bu yana yeraltı və məzarlıq kimi anlamlar daşıyır. Özbəklərdə Gor kəlməsi məzar anlamına gəlir”. Gor sözü ilə dünya mifologiyasındakı axirətlə, axirət dünyası ilə bağlı olan sözlər arasında bənzərlik çoxdur. Məsələn: Xaron, Axeron, Aker/Ager, Erlik/İrlik, yəni yer/yeraltı, Sokar/Ork/Orkus, Kerber, Qarm, Gerion və s. Gor;“Gr”...
F. Rüstəmova