Solmazçiçəyinin şəfaverici xüsusiyyətləri qədimdən məlumdur. Onun dəmləməsi ömrü uzadır, gəncliyi və gözəlliyi qoruyur. Solmazçiçəyi yağının aromatı yadda qalan bir ətirdir, parfümeriya və kulinariyada istifadə edilir. Latın dilində Helichrýsum adlanan solmazçiçəyi yunan dilində helix – burulmuş/bükülmüş və chrysos - qızıl mənasındadır, digər bir versiyaya görə isə, helios – günəş və qızıl sözlərindən yaranıb. Quruçiçək, quruca, əsmə külək kimi adlarla tanınan bu bitki solmazçiçəyin xüsusiyyətlərini özündə əks etdirir. Ukraynalıların ənənəvi çələnglərində solmazçiçəyi də vardır və bu sağlamlığın, əyilməzliyin, uzunömürlülüyün, əcdadlar haqqındakı xatirələrin və çətin dəqiqələrdə onların köməyinə olan inamın simvoludur.
Belə hesab edilir ki, əcdadlarımızın çiçəkləri hesab edilən, solmazçiçəklər sanki bizə onların diqqətlərini, salam-dualarını yetirirlər və bizi hər növ bəladan qoruyurlar.
Rəsmi tibbdə solmazçiçəyinin şəfaverici xüsusiyyəti təsdiqlənmişdir. Bu sahədə bir çox tədqiqatlar aparılıb və onun antioksidant, iltihabəleyhinə, antimikrob, parazitlər əleyhinə təsirləri aşkarlanıb.
Dəmləmə və cövhəri bronxial astmada, revmatizm, xolesistit və mədə xəstəliklərində istifadə edilir. İtalyan və fransız fleboloqlarının marağına səbəb olan bu bitkidən damar divarının vəziyyətini yaxşılaşdıran, keçiriciliyini nizamlayan məlhəmlər və cövhər alınır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından