Ağ qızılgül ləçəklərindən hazırlanmış mürəbbə qəbizliyi aradan qaldırır, həm də qurdqovucudur.
Ağ qızılgül dəmləməsi və əzilmişi irinli yaralarda, yataq yaralarında, radiodermatitlərdə və radionekrozlarda çox faydalıdır.
Qırmızı qızılgül isə büzücü təsirə malik olduğuna görə ishal zamanı, ağız boşluğu xəstəliklərində onun dəmləməsindən istifadə edilir.
Qızılgül yağı antiseptik və iltihabəleyhinə effektə malikdir, öd yolları və qaraciyər xəstəliklərində işlədilir. Öd yollarının diskineziyasında, xroniki xolesistitin kəskinləşməsində qızılgül suyu çox xeyirlidir. Bundan əlavə qızılgül yağından 12 barmaq bağırsaq və mədə xorasının müalicəsində istifadə olunur. Səhər yeməkdən 1 saat əvvəl, axşam isə yeməkdən 2 saat sonra 0.5 ç/q qızılgül yağı içmək lazımdır. Bronxial astma və hər hansı allergik xəstəlikdə gündə 3 dəfə yeməkdən 1 saat əvvəl yarım ç/q qızılgül yağı qəbul edilir, allergik rinitdə isə daxilə qəbul ilə yanaşı, buruna da 3 dəfə qızılgül yağı damızdırılır.
Qəbizlik zamanı 1 x/q Rhamnus Cathartica /murdarça ilə həmin ölçüdə ağ qızılgül ləçəyinin tozunu qatışdırmaq və həmin qarışıqdan 3qr olmaqla, yatmazdan əvvəl qəbul etmək lazımdır. Əgər bu üsul alınmazsa, o zaman 1x/q həmin qatışıqdan götürüb üzərinə 1 stəkan qaynar su əlavə edib dəmləmək və daha sonra yatmazdan əvvəl qəbul etmək lazımdır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından