Hindu etnobotanik Deniel Moerman qızılgül hindular tərəfindən necə istifadə edildiyini yazıb. Ən çox istifadə edilən Vuds itburnu növü furunkulyozun müalicəsində, yaralarda, günəş yanıqlarında, kəsiklərdə və köpmələrdə faydalıdır. Hindu qəbilələri itburnu yarpaqlarından (buxarından) arı sancmalarında istifadə edirdilər.
Qızılgül, ən çox da itburnunun ləçəkləri A, B, D, E, ən çox da C vitamini, bioflavanoidlər, minerallar, pektinlə, alma və limon turşusu ilə zəngindir.
Qızılgül ləçəkləri ümummöhkəmləndirici, sedativ, qurdqovucu, iltihab əleyhinə, antiseptik, yarasağaldıcı təsirə malikdir.
Qızılgül dəmləməsi- 3x/q qızılgül ləçəyi üzərinə 2 stəkan qaynar su əlavə edib 12 saat ağzı bağlı qabda dəmləmək lazımdır, sonra isə yeməkdən 30 dəqiqə əvvəl, 150-100 ml, gündə 3 dəfə qəbul edilir.
Qızılgüldən hazırlanmış krem isə yanıqlarda, furunkulyozda, yataq yaralarında işlədilir. Kremin hazırlanma qaydası belədir: 100 qr duzsuz kərə yağı üzərinə 1 qr qurudulmuş qızılgül ləçəkləri əlavə edib yaxşıca qarışdırılır.
Bolqarıstanda bronxial astma xəstəliyi zamanı xəstəyə qızılgül yağının inyeksiyası təyin edilir.
Qızılgül suyu angina, stomatit və konyuktivitin müalicəsində faydalıdır. Qızılgülün suyunun hazırlanması: 2 xörək qaşığı xırda doğranmış qızılgül ləçəyi üzərinə 1 stəkan qay-nar su əlavə edib 1 saat dəmləmək lazımdır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından