Çobanyastığı bikisi tibbdə rəsmi qəbul edilmiş bir müalicə vasitəsidir. Angina, qrip kimi respirator xəstəliklərin, bir sıra virus xəstəlikərinin müalicəsində, qida və dərman intoksikasi-yalarında, alkoqol zəhərlənmələrində, şlak və toksinlərin xaric edilməsində istifadə edilir.
Çobanyastığı bitkisi bir sıra ginekoloji xəstəliklərin müalicəsində - uşaqlıq boynunun eroziyası, uşaqlıq yolu kandidozu, iltihabı və digər selikli qişanın zədələnmələrində işlədilir. U/y selikli qişasını qurutmur və bir sıra u/y xəstəliklərinin müalicəsi üçün nəzərdə tutulmuş şamlarının, tabletlərinin tərkibinə daxildir. Menstrual tsikl zamanı və 40 yaşdan yuxarı olan xanımların çobanyastığı bitkisindən hazırlanmış şırınqalardan istifadəsi əks göstərişdir. Hamilə qadınlar bir sıra bitkilərdən müalicə vasitəsi kimi istifadə etməməlidir. Məsələn, çobanyastığı yüksək miqdarda estrogen hormonunun ifrazına səbəb olur ki, bu da erkən doğuşa, düşüklərə səbəb ola bilər.
Çobanyastığı bitkisindən alınmış hazır preparatlar:
- Romazulan - çobanyastığı çiçəkləri ekstraktı (lat. Chamomillae recutitae floridis extract). İtihab əleyhinə vasitə kimi qastrit, kolit və meteorizmdə daxilə qəbul edilir. Təravətləndirici kimi isə ginqivit, stomatit, otit, vaginit, uretrit, sistit, iltihablaşmış dermatoz, trofik xoralarda qarqara, imalə, kompess şəklində istifadə edilir.
- Alorom - miozit və yataq yaralarında təyin edilən çobanyastığı çiçəkləri ekstraktı.
- Alfazetin - çobanyastığı çiçəklərindən alınan antidiabetik yığım.
- Rotokan - iltihab əleyhinə çobanyastığı ekstraktı.
- Kamilozid - xora əleyhinə təsir edən preparatdır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından