Eroziya! Uşaqlıq boynunun eroziyası qadın cinsiyyət üzvlərində, ən çox təsadüf edilən ginekoloji xəstəliklərdən biridir. Eroziya - uşaqlıq boynunun selikli qişasının xoşxassəli dəyişikli deməkdir. Ancaq ilkin olaraq xoşxassəli olmasına baxmayaraq, uzun müddət mövcud olduğu halda və müalicə olunmadığı təqdirdə, eroziya çox təhlükəli xəstəlik olan uşaqlıq boynunun xərçənginə çevrilə bilər! Məhz buna görə də uşaqlıq boynunun eroziasını vaxtında müalicə etmək lazımdır!
Uşaqlıq boynunun eroziyası əksər hallarda özünü heç bir əlamətlə büruzə vermir və yalnız ginekoloq tərəfindən profilaktik tibbi müayinə zamanı aşkar edilir. Bəzi hallarda şikayət eroziyası olan qadınların cinsi münasibət zamanı və ondan sonra qanlı ifrazatın olması baş verə bilər. Bu əlamətlərdən hər hansı birinin olduğu halda isə, ginekoloqa müraciət etmək vacib hesab edilir!
Uşaqlıq boynunun eroziyasının inkişaf etməsinə müxtəlif səbəblər var. 1- infeksiyalar, 2- abortdan, doğuşdan və s. sonra uşaqlıq boynu zədələnir, onun selikli qişasında çatlar, zədələnmə sahələri əmələ gəlir ki, bu da sonradan həmin nahiyədə eroziyanın yaranmasına səbəb olur, 3- cü isə hormonal dəyişiklik fonunda yaranan eroziyalardır.
Qadında uşaqlıq boynunun eroziyası müəyyən edildikdən sonra infeksiyalara görə müayinə, uşaqlıq yolu ifrazatının disbakterioza görə əkilməsinin, adi yaxmasının və s. yoxlanaraq eroziyanın inkişaf etməsinin səbəbi müəyyən edilir. Eroziyanı törədən səbəbi müəyyən edilərək aradan götürülməzsə, aparılan müalicədən sonra o yenidən yarana bilər.
Eroziyanın müalicə üsulunun seçilməsi xəstənin yaşından, eroziyanın ölçüsü və formasından, eroziyanın yaranma səbəblərindən, yanaşı gedən xəstəliklərdən və s. asılı olaraq müəyyən edilir.
Ginekoloq- F. Rüstəmova[b][/b]