Musiqi Kosmosdan gələn psixikaya təsir edən informasiyadır, onun yaradıcı prosesidir.
Bütün musiqilərin əsasında dayanan, tanıdığımız yeddi notu eramızın 990-1160-cı illərində Florensiya yaxınlığındakı, Toskana – Aretso adlanan kiçik şəhərdə yaşamış monax Qvido d Aretso ixtira etmişdi.
Həm də notlara Yaradıcı Tanrı ilə bağlı adlar vermişdi:

Do – Dominus – Tanrı;
Re – rerum – Materiya;
Mi – miraculum – Möcüzə;
Fa – familias рlanetarium – Planetlər ailəsi, yeddi planet və Günəş sistemi;
Sol – solis – Günəş;
La – lactea via – Süd yolu;
Si – siderae – səma.

Elmi cəhətdən araşdırılıb ki, musiqi orqanizmə müalicəvi və əksinə mənfi təsir edə biləcək xüsusiyyətə, gücə malikdir. Musiqinin dağıdıcı gücü alimlər tərəfindən sübut edilib və əksinə, yaxşı musiqi isə immun sistemini möhkəmləndirir, xəstəliyə tutulma tezliyini azaldır, maddələr mübadiləsini artırır, bərpa proseslərini tezləşdirir. İlahi musiqilər ruhun tarazlığını nizamlayır, mənəvi sakitlik hissi yaradır. İbrahim Topçubaşovun Flora Kərimova oxuduğu musiqi sədaları altında cərrahi əməliyyatlar etdiyini yəqin ki, çoxları bilir. Konkret olaraq notlar daxili orqanlara, onların funksiyasına təsir edir; do notu -mədə və mədəaltı vəzə, re notu -öd kisəsi, qara ciyər, mi notu -görmə və eşitməyə, fa notu -sidik cinsiyyət sisteminə, sol notu -ürəyin funksiyasına, lya notu -ağ ciyər və böyrəklərə, si notu - bədəni isidən enerji mübadiləsinə təsir edir.
Belə nəticəyə gəlmək olar ki, insanların çox olduğu yerlərdə bəstəkarı, mənşəyi məlum olmayan bayağı musiqilər yalnız zövqümüzə deyil, eyni zamanda sağlamlığımıza da mənfi təsir edir.

Firəngiz Rüstəmova