Hipertiroid ən çox hansı şikayətlərlə özünü biruzə verir?
Tiroid vəzi kiçik bir endokrin orqan olduğuna baxmayaraq, insan üçun həyati önəm daşıyan funksiyaları - böyümə və cinsi inkişaf, mübadilə və bədən temperaturunun tənzimlənməsini, sinir sisteminin normal inkişafını idarə edir. Ona görə hər bir insanın tiroid tərəfindən sintez olunan tiroid hormonlarına ömür boyunca ehtiyacı vardır.
Tiroid vəzin çox işləməsi - hipertiroid adlanır, yəni vəz özündən normadan artıq T3, T4 hormonları sintez edərək, bədəndə bütün funksiyaların artmasına, xəstədə kliniki şikayətlərin meydana çıxmasına səbəb olur.
Hipertiroid ən çox hansı şikayətlərlə özünü biruzə verir?
- Ümumi halsızlıq, əsəbilik
- Arıqlama (iştahanın normal olduğuna baxmayaraq)
- Tərləmə, istiyə dözümsüzlük
- Taxikardiya (ürək döyüntülərinin tezləşməsi), böyümüş vəz
- Əllərdə, bütun bədəndə titrəmələrin olması, nəfəs darlığı
- İshal, menstrual pozğunluqlar
- Göz şikayətlərinin olması (gözə qum dolma hissi, göz yaşarma, gözün önə doğru qabarması, göz qapaqlarında şişmə və s.)