Həsən bəy Zərdabi tərəfindən əsası qoyulmuş olan "Əkinçi" qəzetinin nəşrə başladığı 1875-ci il 22 iyul tarixi Azərbaycanda Milli Mətbuat Günü kimi qeyd olunur. Çünki Azərbaycan dilində olan ilk qəzet idi. "Əkinçi" qəzetinə qədər isə Bakıda rus dilində çıxan ilk qəzet 1871-ci ilin mart ayında birinci nömrəsi ilə işıq üzü görən "Bakinski listok" olmuşdur. 1876-cı ildə ikinci rusdilli qəzet "Bakinskiye izvestiya" nəşrə başlamışdır. Rusdilli qəzetlər içərisində daha uzunömürlü olmuş "Kaspi"nin 1897-ci ildən etibarən naşirliyini Hacı Zeynalabdin Tağıyev öz üzərinə götürmüş və təxminən həmin dövrdən onun redaktoru Əlimərdan bəy Topçubaşov, sonralar isə Əlibəy Hüseynzadə olmuşdur.
"Əkinçi" qəzetinin 1875-ci il iyulun 22-dən 1877-ci ilin sentyabrınadək çap olunmasına baxmayaraq, onun Azərbaycan milli mətbuatının inkişafında, maarifləndirmə, müasirləşmə, ümummilli məqsədlərin təbliği, bəşəri dəyərlərin milli ənənələrlə vəhdəti, ədəbi dilin danışıq dilinə yaxınlaşdırılması, hadisələrin obyektiv işıqlandırılmasında mühüm rolu olub, həm də milli demokratik mətbuatın gələcək inkişafı üçün təməl rolunu oynayıb.
Milli mətbuat və Jurnalistika günü münasibətilə “Ailə həkimi klinikası”
bütün mətbuat işçilərini təbrik edir!