22 iyul Azərbaycanda Milli Mətbuat günü!
Ölkədə ilk mətbu orqanın əsası Həsən bəy Zərdabi tərəfindən qoyulmuş və “Əkinçi” qəzetinin nəşrə başladığı 22 iyul Azərbaycanda Milli Mətbuat günü kimi qeyd olunur. Belə ki, Azərbaycan mətbuatının banisi Həsən bəy Zərdabi böyük çətinliklərdən sonra,Bakıda ana dilində "Əkinçi" qəzetinin nəşr edilməsi üçün icazə almışdı. Bu qəzetin ilk nömrəsi 1875-ci il iyulun 22-də çapdan çıxmış, "Əkinçi" qəzetinin nəşri bütün Qafqazda əks-səda doğurmuşdu. "Əkinçi" qəzeti xalqımızın milli oyanışında, milli birliyinin möhkəmlənməsində böyük rol oynamışdır.