Zikkurat - Uca, yüksək, Dünya Dağı formasında, yuxarıya, yəni göylərə doğru tikilmiş xramdır, qüllə və ya piramidanın bir formasıdır. “Sigguratu“ Babil dilində yüksəklik və ya dağ zirvəsi deməkdir. Bəzi müəlliflərin dediyi kimi zikr evi olan və yüksəkliyi simvolizə edən Şumer tapınağıdır, pilləli piramidanı xatırladır. Əsasən üç və yeddi mərtəbəli tikilir. Dünya Dağının yəni Zikkuratın mərkəzindən keçən şaquli kosmik ox yerlə göyü, yerlə yeraltı dünya və yeraltı suları birləşdirir. Yeddi mərtəbə olması yeddi planeti bildirir və hər planetin öz rəngi, öz atributu olan metalı var. Qara rəng; Saturn – qurğuşun, qırmızı - qəhvəyi; Yupiter - qalay, qırmızı - çəhrayı; Mars - dəmir, qızıl rəng; Günəş – qızıl, ağ qızılı; Venera – mis, tünd göy; Merkuri – civə, gümüşü; Ay – gümüş. Zikkurat üç mərtəbə tikildikdə isə Hava Tanrısı Enlil, Su tanrısı Enki və Gök tanrı Anu nəzərdə tutulur. Azərbaycan türkcəsində göylərə tərəf istiqamət bildirən yəni “yuxarı” və “qalxmaq” sözündə “xar” və “qa” söz kökü diqqəti cəlb edir. Hor/Xor ucalıq, yüksəklik tanrısın izləri aydın görünür. Hor/Xar...( Özbək d. yuqoriga chiqmok kimi sözlər var). Türkiyə türkcəsində “ kalkmak” kimi ifadə edilir. Bir çox Türk və Rus mənbələrində istiqamət bildirən yuxarı, qalxmaqifadəsi araşdırılıb: (Qaynaqlar – “yoqar” – подниматься, возвышаться Ленинград 1969, с. 273]; yuqaru, yoqaru – вверх [ДРЕВНЕТЮРКСКИЙ СЛОВАРЬ]. Ленинград 1969., с. 273, 281]; yugarı, yugaru, yuḳarqu, yuḳarı, yuḳaru – вверх [KIPÇAK TÜRKÇESİ SÖZLÜĞÜ. Türk Dil Kurumu Yayınları. Ankara. 2007. с. 328]; yuxarı – вверх, верхушка, верхняя часть; верхний . Под редакцией Г. Гусейнова. Баку 1941. с. 371)
F.Rüstəmova “Hor sivilizasiyası və onun günümüzdə izləri” kitabından.