“Ukraynanın neytral statusu Rusiya ilə münaqişəyə son qoymağın və regionda sülhün bərqərar olmasının yoludur”.

Publika.az xəbər verir ki, bu sözləri ABŞ-ın keçmiş dövlət katibi Henri Kissincer özünün “Liderlik: Dünya Strategiyasının Altı Dərsi” adlı yeni kitabında qeyd edib. Nəşrdən çıxarışlar Amerikanın “Foreign Affairs” jurnalı tərəfindən yayımlanıb.

Diplomatın fikrincə, Rusiya fövqəldövlət statusuna iddia edə bilməz, lakin növbəti onilliklərdə o, nüfuzlu ölkə olaraq qalacaq. Eyni zamanda, eks-nazir əmin edib ki, geniş ərazilərə görə o, sərhədlərinin “daim etibarsız olduğunu” hiss edir. Bununla bağlı o, Yekaterinanın məşhur kəlamını xatırladıb: “Mənim sərhədlərimi qorumaq üçün onları genişləndirməkdən başqa yolum yoxdur”.

Bu məntiqdən Kissincer belə qənaətə gəlib ki, Moskva Kiyevin NATO-ya üzv olmasına icazə verə bilməz, əks halda alyansın sərhədləri Moskvadan 500 kilometr aralıda yerləşəcək və bu, strateji dərinliyi aradan qaldıracaq. Ekspertin fikrincə, Ukrayna üçün neytral status və ona digər dövlətlər tərəfindən verilən spesifik təhlükəsizlik təminatları bu ziddiyyətin aradan qaldırılması istiqamətində bir addım ola bilər.