NATO-nun baş katibi Stoltenberq bildirib ki, Rusiya və Çin arasında müttəfiqlik Qərb dünya nizamını təhdid edir.

Publika.az xəbər verir ki, Rusiya və Çin arasında əməkdaşlıq Qərb dünya nizamını təhdid edir. Bunu Norveçdə keçirilən konfransda NATO-nun baş katibi Yens Stoltenberq söyləyib.

“Onların ortaq cəhəti ondan ibarətdir ki, onlar başqa dünya nizamı istəyirlər. Məsələ burasındadır ki, onlar bizim dəyərlərimizi bölüşmürlər və azadlıq və demokratiyaya inamımızı pozan maraqları müdafiə etməyə çalışırlar”, - deyə Stoltenberq bildirib.

Onun sözlərinə görə, Rusiya və Çin tərəfləri arasında iqtisadiyyat və hərbi sahədə əməkdaşlıq genişlənir. Stoltenberq həmçinin qeyd edib ki, Pekin Moskvanı Ukraynada xüsusi hərbi əməliyyat keçirməsinə görə qınamaqdan imtina edib. Onun fikrincə, Çin mövcud vəziyyətə görə NATO-nu günahlandıran “Rusiya hekayəsini” təbliğ edir və Rusiyanın alyansın qapılarını yeni üzvlər üçün bağlaması tələbini də dəstəkləyir.