Fransanın "Boulevard Voltaire" nəşrinin jurnalistləri NATO qüvvələrinin Ukraynadakı münaqişəyə müdaxiləsini üzə çıxaran material dərc ediblər.

Publika.az-ın məlumatına görə, qəzet yazır ki, Qərbdən Kiyevə sonsuz hərbi yardım getdikcə narahatlıq doğurur və münaqişəni təhlükəli həddə yaxınlaşdırır.

Nəşr Britaniya dəniz piyadalarının Ukrayna ərazisində həyata keçirdiyi əməliyyatlar barədə Kral Dəniz Piyadalarının keçmiş komandanı Robert Maqovenin bu yaxınlarda verdiyi bəyanatı xatırladıb.

Qeyd edilir ki, minlərlə əcnəbi Kiyevin tərəfində açıq şəkildə münaqişədə iştirak edir, Ukrayna Silahlı Qüvvələrinə əks-hücumların planlaşdırılmasında və Rusiya ordusunun məhv edilməsində kömək edir.

"Beləliklə, NATO-nun ritorikası Rusiyaya göstərdi ki, əməliyyat Ukraynaya qarşı deyil, bütün Qərbə və Şimali Atlantika Alyansına qarşıdır", - material müəllifləri belə qənaətə gəliblər.

Bundan əvvəl Rusiya Dövlət Dumasının Beynəlxalq Əlaqələr Komitəsinin üzvü Dmitri Belik etiraf etmişdi ki, NATO Moskva ilə açıq qarşıdurmaya girərsə, blok ölkələrindəki müvafiq obyektlər və qərar qəbuletmə mərkəzləri Rusiya Silahlı Qüvvələrinin aşkar hədəfinə çevriləcək. Deputat qeyd edib ki, bu heç də Moskva ilə Kiyev arasındakı qarşıdurmanı yan tərəfdən izləmək və ya Rusiya sərhədləri yaxınlığında nümayişkaranə şəkildə təlimlər keçirmək kimi deyil.