London sakinləri qış aylarında istilik təchizatına görə və qidalanma üçün pul ödəməkdə ciddi çətinlik çəkəcək.

Publika.az xəbər verir ki, bu barədə London şəhərinin meri Sadiq Xan özünün tviter səhifəsində məlumat verib.

Bununla bağlı yerli hökumətə xəbərdarlıq edən Sadiq xan indiyə qədər belə bir halla rastlaşmadıqlarını bildirib:

"Bu il bizi ağır bir qış gözləyir. Elə bir qış ki, milyonlarla insan isinmə və yemək arasında seçim etmək məcburiyyətində qalacaq. Bəzilərinin hətta bu seçimi etməyə imkanı çatmayacaq. Amma biz belə bir vəziyyətin yaranmasına imkan verməməliyik".

Mer statusunun sonunda hökuməti əhalinin əsas ehtiyaclarını ödəmək üçün tədbirlər görməyə çağırıb.