Türkiyə Prezidenti Rəcəb Tayyib Ərdoğan rusiyalı həmkarına xəbərdarlıq edib.

Azmedia.az Redaktor.az-a istinadən xəbər verir ki, Ukraynaya səfərindən əvvəl jurnalistlərin suallarını cavablandıran Rəcəb Tayyib Ərdoğan bunları deyib:

"Suriyada əsgərlərimizə qarşı xain hücum cavabsız qalmaycaq. Hazırda rejimə aid 40-dan çox hədəf vurulub və əməliyyatlar davam edir. İlkin məlumata görə, qarşı tərfin 30-40 nəfər itkisi var. Bununla dayanmaycağıq, davam edəcəyik. Mən ruslara bildirmişəm ki, bizim hədəfimiz onlar deyil, Bəşər Əsəd rejimidir. Suriyada türk əsgərləri şəhid olub, əsla qarşımızı kəsməyə cəhd etməsinlər".

Qeyd edək ki, Suriyanın İdlib şəhərində Türkiyə ordusunun yerləşdiyi bazaya top zərbələri endirilib. Hücum nəticəsində 4 nəfər ölüb, 9 nəfər isə yaralanıb.