Çünki hikmət və müdrikliklə təbiblik arasında çox da fərq yoxdur.
Hippokrat
Podalirinin nəslindən olan Asklepinin oğlu, e.ə.460—377 illərdə yaşamış (83 yaşında Larissada dünyasını dəyişmişdir), Kos adasında Meropis şəhərciyində doğulmuş olan və xalq təbabəti ilə məşqul olan, “tibbin atası” adlandırılan şəfaçı, həkim və filosof Hippokrat (atası Heraklid, anası mamaça Fenareta) peşəkar tibbə keçidin əsasını qoymuşlar. 20 yaşında, məbəddə fəaliyyətə başlayan Hippokrat Misirdə təhsilini təkmilləşdirmişdir. Böyük alim sonradan tibbi məbəd təbabətindən ayırmış, onu sərbəst fənn kimi inkişaf etdirmişdir. Hippokrata görə, həkim xəstəliyi deyil, xarici mühiti, orqanizmin fərdi xüsusiyyətlərini nəzərə alaraq xəstəni müalicə etməlidir. O, xarici mühit amillərini (iqlim, su, torpaq, insanların həyat tərzi, ölkələrin qanunları və s.) insana etdiyi təsir nöqteyi-nəzərindən ayırmışdır. Xəstəliklərin əmələ gəlmə mərhələlərini də müəyyən etmiş, diaqnostika məsələlərini aydınlaşdırmışdır.
Həkimin mənəvi davranış normaları və həkim andı - “Hippokrat andı” Hippokrata istinad edilir. Həkim andının – yəni “Hippokrat andı”nın ilk variantı hələ Qədim Misirdə mövcud idi. İstedadı, nəcibliyi, insanpərvərliyi, fədakarlığı və andı Hippokratı əsrimizə qədər yaşadan keyfiyyətlərdəndir.
Hippokratın: - “Kim xəstəliyə məğlub olubsa, təbabət ona əl uzatmır”–müdrik kəlamı əbədi olaraq aforizmə çevril-mişdir.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından