Dünyada ilk diş həkimi isə Hesire hesab edilir və o, e.ə. 2700 illərdə Coserin sarayında stomatoloq idi. Dişlərin müalicəsi, protezlərin, qızıl dişlərin hazırlanması günümüzə gəlib çatmış mumiyalarda da görünür.
Tarixdə olan məlumatlara görə hökmdar qadın Hasepşut (e.ə. 1479-1458) diş absesindən dünyasını dəyişmişdir.
Magiya tanrısı hər zaman iki ilan təsvir edilən Heka həm də tibb tanrısı hesab edilirdi və bu simvol sonradan yunan həkimi Eskulap/Asklepinin simvolu oldu.
Hətta Şumer şəfaçısı Gulanın oğlu Ninazunun çomağı da ilan təsvirli idi.
Qədim misirlilər kremnium və metaldan tibbi alətlər, zondlar, kateterlər hazırlamağı bacarırdılar.
Qədim Misir tibbinin dünya tibb elminə təsiri danılmazdır. Romanın, Yunanıstanın Qalen, Hippokrat kimi məhşur hə-kimləri həmin simvolları, ənənələri öyrənməyə çalışmışlar və bir çoxlarının günümüzə qədər gəlib çatmasına yardımçı olmuşlar. Esit, yəni İsida müalicəvi magiyanın yaradıcısı, uşaqların himayədarı, ananın təcəssümü idi. Qədim Roma həkimi Qalen aldığı dərman vasitələrini İsidanın şərəfinə adlandırmışdı. E.ə. V əsrdə Herodot Misirə səyahəti zamanı müşahidə etmişdi ki, orada orqanizmin ayrı-ayrı hissələrinin hər birinin öz müalicə həkimi var.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından