Miladın ikinci əsrində o zamankı mədəniyət dünyasına şöhrəti yayılan, Roma imperator sarayının həkimi olan Bergamalı Galenusun yazdığı beş yüz kitabın dəyərini və onun tibbə olan böyük xidmətini, İbn Sinanın “El-qanun” adını daşıyan əsərlərindən anlamış oluruq.
Hippokrat həkimə həkimlərin babası deyildiyi kimi, Calinosa da kökçülərin babası ünvanını vermişdilər. Calinos otlardan, köklərdən şəfalı ilac hazırlamaqla ün almış və əski əttarların babası sayılmışdır. 131-210-cu illər arasında yaşayan, bu böyük şöhrəti qarşısında qarnındakı illətə dərman bilməyən Calinos həkim tələbələrinə bunu söyləmişdir: Mən öldükdən sonra bu fındıq qədər minerallardan birini bir dəzgah üzərinə qoyunuz. Birini də su dolu bir dəstiyə atınız. Deyildiyi kimi əməl edildikdən sonra dəzgah əriyərək axdı, iz buraxmadan yox oldu. Dəstidəki su isə buz tutmuşdu. Bu ağılları donduran olay qarşısında bilginlər: “Calinos həkim hər şeyin elmini, fənnini buldum, ancaq ölümün çarəsini bulamadım” demək istədiyi qənaətinə gəlmişdilər. Bütün bunlar, bugünkü tibbin əsasını qurmuş olmaqla ayrı bir dəyər və özəllik daşımaqdadır. Tıbbi folklora xidmət baxımındandır ki, bu kitabdakı şəfalı ot-lar və əmsəmlərin toplanması üçün illərcə üzərində çalışılmaq zəhmətinə qatlanılmışdır.
Hz.Lokman/Loğman: (ərəb dilində “Lukman”) İslam inancında bilgə və hikmət sahibi birisidir. Ölümsüzlüyü aradı-ğı söylənir. Həkimlərin piridir. Bilinmədik diyarlardakı otlar-dan ilaclar yapar.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından