Gülümbahardan diş və damaq xəstəliklərinin (gingivit, pioreya, parodontit) müalicəsində istifadə edilir. Demək olar ki, dünyada gülümbahar antiseptik, iltihab əleyhinə, yarasağaldıcı vasitə kimi dəyərləndirilir.
- Ağzın selikli qişasında yaranmış, aft adlanan yaraların müalicəsində gülümbahar dəmləməsi ilə ağız boşluğu yaxalanır;
- Stomatit, yəni ağız boşluğu selikli qişasının iltihabı;
Dəmləməni hazırlamaq üçün: 1x/q gülümbahar çiçəyi üzərinə 1 stəkan qaynar su əlavə edib vam odda 10 dəqiqə, cövhərini hazırlamaq üçünsə 20 qr çiçək üzərinə 1 stəkan qaynar su əlavə edib bir neçə saat o cür saxlamaq lazımdır. İstifadədən əvvəl 1:2 və ya 1:3 nisbətində su ilə qatmaq lazımdır;
- Parodondit diş ətrafı toxumanın xroniki iltihabıdır. Müalicə ilə birlikdə gülümbaharın suda dəmləməsindən qarqara kimi istifadə edilir. Hazırlamaq üçün 10 qr çiçək üzərinə 1 stəkan qaynar su əlavə edib 2 saat saxlamaq lazımdır. Əgər xəstəlik distrofik-iltihabi formaya keçibdirsə o zaman gülümbaharın arnika/öküzotu, evkaliptin şaftalı yağında hazırlanmış qatışığından istifadə edilir.
Müalicə proseduru aşağıdakı kimi aparılır. 1 ç/q çiçək üzərinə 1 stəkan qaynar su əlavə edilib dəmlənir, sonra bu dəmləmə ilə ağız boşluğu yaxalanır, sonra isə lazımi hazırlıq aparılır və 10 dəqiqə ərazində diş-damaq ciblərinə həmin bitki qatışımı 10 dəqiqə müddətinə applikasiya kimi qoyulur. Müalicə müddəti xəstəliyin ağırlığından asılıdır.
Gülümbahardan hazırlanmış preparatlar:
- Calendulae officinalis floridis tinctura homeopatic;
- Homeopatik Gülümbahar suppozitorium (Календула суппозитории ректальные гомеопатические) - № 10;
- Homeopatik Gülümbahar məlhəmi - (Календула мазь для наружного применения гомеопатическая) - № 1.
- Caleflonum-Gülümbahar çiçəkləri cövhəri - № 1.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından