Vaşinqton noyabrın 10-da ABŞ-a səfəri planlaşdırılan Suriya Prezidenti Əhməd əş-Şaraya qarşı sanksiyaların ləğvi üçün BMT Təhlükəsizlik Şurasına qətnamə layihəsi təqdim edib.

Axar.az xəbər verir ki, bu barədə “Röyters” mənbəyə istinadla məlumat yayıb.

Məlumata görə, qətnamə layihəsində Şaradan başqa, Suriya daxili işlər naziri Ənas Xəttaba da sanksiyaların ləğvi nəzərdə tutulub.

Bildirilib ki, qətnamənin qəbulu üçün minimum 9 səs və 5 daimi üzvün veto qoymaması lazımdır. Səsvermənin nə vaxt keçiriləcəyi ilə bağlı məlumat verilməyib.