ABŞ İranla nüvə proqramı ilə bağlı danışıqlarda Avropa İttifaqına (Aİ) nəzarət edir.

Publika.az xəbər verir ki, bunu Lenta.ru-ya müsahibəsində İran Xarici İşlər Nazirliyinin Beynəlxalq Münasibətlər Universitetinin dekanı, Valday Beynəlxalq Diskussiya Klubunun eksperti Məhəmməd Rza Deşiri deyib.

Politoloqun fikrincə, Avropa Birliyi BMT-nin İrana qarşı sanksiyalarının bərpasını tələb etməklə özünü ikinci dərəcəli müzakirəçi roluna salıb və danışıqlar prosesində əsas rolu ABŞ-a verib. Deşiri əlavə edib ki, Aİ ölkələri faktiki olaraq İranı birbaşa ABŞ ilə danışıqlara dəvət edib. O, həmçinin vurğulayıb ki, sanksiyaların bərpası Tehrana Avropa ölkələri ilə danışıqların nəticəsiz və səmərəsiz olduğunu nümayiş etdirib.

"Bu nəticəyə gəlmək olar ki, ABŞ Avropa İttifaqına nəzarət edir və avropalıların İranın nüvə proqramı ilə bağlı öz mövqeyi yoxdur", - Deşiri qeyd edib.