Hepatit B - törədıcısı virus olub HBV hepadnavirus ailəsinə daxildir. Virus fiziki, kimyəvi faktorlara həddən artıq davamlıdır. Həddən artıq aşağı və yuxarı dərəcə temperaturaya, dəfələrlə dondurulma və əritmə, turş mühitin uzumüddətli təsirindən məhv olmur. Otaq temperaturunda bir neçə həftə sağ qalır. Ülgücdə, iynənin ucunda, qurumuş qan zərdabında, nəzərə çarpmayan qan izlərində belə virus məhv olmur. +30 dərəcədə yoluxuculuq qabiliyyətini 6 ay saxlayır. -20 dərəcədə 15 il, quru plazmada 25 il hepatit B virusu sağ qalır. Quru isti sterilizasiyada 160 dərəcədə 60 dəqiqəyə. 60 dərəcə istilikdə 10 saata, avtoklavda isə 30 dəqiqəyə virus inaktivləşir. Səhiyyədə hepatit B qlobal bir problem olaraq qalır.Dünyada 2 milyard insan hep.B ilə yoluxub. Onların 350 milyonu xəstədir yerdə qalanı isə daşıyıcıdır.
F. Rüstəmova