“Ölülər Kitabı” b. 42- də yazılıb: ”Horun gözü əbədi həyat bəxş edir və o, bağlı olsa da belə məni qoruyur”. Osirisi diriltmək üçün isə həmin, “uadjet” adlandırılan göz ona uddurulur. Osiris dirilsə də, sağalsa da çar olaraq bu dünyaya gəlməkdən imtina edir, öz taxt- tacını oğlu “Hor”a verərək, axirət dünyasını seçir. Yəni Duatın çarı və dünyasını dəyişmiş insanların hakimi, sorğulayanı olur. Görkəmli Misirşünas alim, piramida mətnlərinin tərcüməçisi Kurt Heinrich Sethe qeyd edir ki, “Qədim Misirlilərə görə Duat səmada dan yerinin işıqlanmasından əvvəl görünən qırmızımtıl şəfəqdir, parıltıdır“. Qədim Misir kahinləri belə hesab edirdi ki, Duat elə bir yerdir ki, bizdən gizli olan, “Qara Günəşin” olduğu dünyada Osir/Usir/Azər, bizə agah olan, görünən, yəni bu dünyanın günəşi olan “Ra” ilə görüşür. Bu görüşdə onlar bir - birinə növbəti yaşam tsikli üçün yeni qüvvə, güc bəxş edirlər. Horun sol gözü Ay, sağ gözü isə Günəş hesab edilir. Ayın fazaları isə zədələnmiş gözün təcəssümü kimi qəbul edilir. Şahin başlı Horun yırtıcı quşların kəskin baxışı ilə təsvir edilməsi, insanların heçbir hərəkətini gözündən qaçırmayan bir tanrı olmasını, yəni vicdanın gözündən heç bir şeyin qaçmayacağının simvoludur. Belə ki, insanın daxili dünyasındakı hər niyyətini və sosial həyatındakı hər hərəkətini gözdən qaçırmayan kəskin baxışların simvoludur şahin. Gündə iyirmi dörd saat ayıq və gözləri hər zaman açıq olmalıdır, çünkü həm qaydaların heç çaşmadan tətbiq edilməsinə nəzarət, həm də şeytani tanrı Set ilə mübarizə etmək. Buna görə Günəş və Ay, Horun gözləri olaraq ifadə edilir. Çünki Günəş və Ayın hər ikisi növbə ilə, gecə və gündüz insanın üzərindən əskik olmur, Horun 24 saat açıq qalan gözləri kimi. Horusdan “Sirius içindəki Horus” olaraq söz edən bəzi Misir mətinlərində isə, Horun dünya insanlarına Siriusdan gələn bir “təsir” olduğu ve qaynağının göksəl, gök tanrı Osiris olduğu deyilir. Sirius sözündə güzgü effekti ilə Osiris də görünür... Həm də Hor atası Osirisə transformasiya olunmuşdu. Sirius Yerdə yaşayanlara Ağ İşıq elmini bəxş edib. Sirius ulduzun yerləşdiyi bürc “Böyük Köpək Bürcü“dür.Bu ulduzun adlanması demək olar ki, əksər dillərdə eyni səslənir və “Böyük Köpək Bürcünə” daxil olması qəbul edilir. Sothis Qədim Misir d., “Sigo” Bambara d.,“Sigi” Dogonlarda, “Şira” Ərəblərdə, “Seirios” Hellenlərdə, “Sirius” Romalılarda, “Kak-si-sa” və ya “Kak-si-di” Assur–Babildə, “Kak-si-si” Hititlərdə, “Tistirya“, “Tishtrya” və ya “Tiştria” farslarda: Zərdüştçülüyü mənimsəmiş qövmlərdə, “Sima Kayne” Bozolarda, “Sirona” Galyalılarda,"Hu-Şi" Çinlilərdə Sirius ulduzuna verilən addır. Əksər xalqlarda olduğu kimi Qədim Misirdə də Sirius ulduzu “Köpək Bürcünə”aid edilirdi və simvolu böyük bir köpək idi. İskəndəriyə şəhərində də basılan pulların üzərində ulduzu Sirius olan Tanrıça, İlahə İsisin Köpək üzərində rəsmi həkk edilmişdi. Qurd, yəni Göksəl Qurd isə Qədim Misirdə Sirius “B”ni təmsil edirdi və Osirislə əlaqələndirilirdi. Ağ ulduz, işıqlı ulduz adlanan Sirius ilə “İşıq-İsi-Isı” kimi səslənən İsisin adında da həm məna, həm də deyilişcə bir uyğunluq var. Deniz Karakurta görə: “Yakutlar Qütb/Kutup Ulduzuna “Hotugu Sulus” (Quzey/Kuzey Yıldızı) adı verirlər. Ancaq anlam bu ulduza təcəssüm etmiş qartal ilə də əlaqəli görünməkdədir”. Buryatlarda; “Osır/Osor”(Tib. mənşəli ) şəxs adları var, mənası “işığın, işıq selinin” yayılması, “Qerelma” isə “İşıq”deməkdir.
F. Rüstəmova “Hor sivilizasiyası və onun günümüzdə izləri” kitabından.