Rusiya Liberal Demokrat Partiyasının yaradıcısı Vladimir Jirinovskinin Ukrayna ilə bağlı xəbərdarlığı ortaya çıxıb.

Globalinfo.az xəbər verir ki, bu barədə Cənub-Şərqi Norveç Universitetinin professoru Qlenn Dizen paylaşım edib.

“2006-cı ildə Jirinovski ukraynalılara xəbərdarlıq etmişdi ki, NATO onları öz sıralarına cəlb edib məhv edəcək. Onun fikrincə, Qərb Ukraynadan Rusiyaya qarşı cəbhə xətti kimi istifadə etmək fikrindədir”, – deyə o bildirib.

Bundan əvvəl Jirinovskinin daha bir proqnozu da bəlli olmuşdu. Onun sözlərinə görə, bəzi Ukrayna torpaqları Rusiyanın nəzarətinə keçəcək, bundan sonra Vaşinqton və Moskva münasibətləri bərpa edə biləcək.

Qeyd edək ki, ABŞ Rusiya və Ukrayna arasında sülh üçün 28 maddəlik plan təqdim edib. Sözügedən plana əsasən, Ukrayna Rusiyanın işğal etdiyi ərazilərdən imtina edir.