Adonis vernalis!
Qorisvet – Rus dilində, Latın d. “Adonis Vernalis” deyilir. Bu çiçək qışın son günlərində açır. Sarı alov, günəş rəngli çiçəklər ağ qar üzərinə işıq saçan alovlara bənzədiyi üçün Qorisvet adlanıb. Yunan əfsanələrinə görə vicdanı çirklənmiş Mirra tanrılara yalvararaq “Mirra” ağacına çevrilir. Ağacın çatlamış gövdəsindən Adonis doğulur. Afrodita Adonisi yeraltı dünyaya Persefonanın onu tərbiyə etməsi üçün göndərir. Adonis gənc oğlan olduqda Persefona onu çox istədiyi üçün buraxmaq istəmir. Afrodita yardım üçün Zeusa müraciət edir və Zeusun qərarı ilə Adonis 3 il Persefonanın 3 il isə Afroditanın yanında qaldıqdan sonra harda qalmaq qərarını özü verəcəkdi. Adonis boş vaxlarını Afrodita ilə keçirdiyi üçün Persefona qısqanaraq tanrı Aresə müraciət edir. Ares isə vəhşi qabana çevrilərək Adonisi ölümcül yaralayır. Adonisin axan qanından alov rəngli çiçəklər, Afroditanın göz yaşlarından isə bəyaz rəngli anemon çiçəkləri bitir. Adonisin ruhu yeraltı dünyaya Persefonanın yanına qayıdır. Afrodita yenidən Zeusa yalvarır ki, Adonisə ilin müəyyən vaxtlarında Afrodita ilə görüşməsinə icazə versin. Zeusun icazəsi ilə qış fəslinin son günləri Adonis alov rəngli çiçək olaraq Afroditanın görüşünə gəlir. (Adonis vernalis “kəklikgözü” otu da adlanır)
“Hor sivilizasiyası və onun günümüzdə izləri” kitabından. F. Rüstəmova