Armud - Homerin yazdığına görə armud böyük tanrıçalar “Gera”, Afrodita /Venera, Pomonun rəmzi olub. Homer eyni zamanda“Odisseya”da armudun Pers çarının bağçasında bitdiyi və Pelopennes adasının “armudlar ölkəsi” olduğu haqqında yazıb. Pavsaninin yazdığına görə Miken və Turinfdə Geranın heykəli armud ağacından yonulubmuş. Çində armud ağacı çox yaşadığı üçün uzun ömürlülüyün simvolu olub. Armudun görkəmi qadın bədəninin formasını xatırlatdığı üçün qadın, ana simvolu hesab edilir. Huqo Trimberqskinin alleqoriyalarında (1290-cı il) armud ağacı bütün insanlığın anası Həvva kimi təsvir edilib. Körte Macar dilində,”qruşa” Rus və Ukrayna dilində “armud” deməkdir. Bolqar, Makedon d. “kruüa”, Bosna, Xorvat və Serb dilində “kruşka”, Litva dilində “kriause”, Slovak və Sloven d. “hruska”, Polyakc d. “gruzska”, Çex dilində “hruşka”, İndoneziya, Malay, Latın dillərində isə vaxtilə kult olmuş armuda “pir” deyilir. Bizdə isə bu gün də nəzir qoyulub, niyyət edilən, mətləb dilənilən məkanlar “pir” adlanır (Cənubi Afrikanın yerli dillərindən olan Sesoto dilində isə “qurd, yəni boz qurd;” “phiri” adlanır). Bu mənada bizim “Pir”lərdə etdiyimiz ritual, xeyirxah ruh olan “Bur” ilə eyniləşir. Deniz Karakurt “Bur” ruhu haqqında yazır: ”BUR: Xeyirxah Ruhdur. Moğol d. BUR, BURH, PUR dedikdə yaxşı bir insanın ruhu nəzərdə tutulduğu kimi, doğadakı xeyirxah varlıqlar üçün də keçərlidir. Şamanın göyə yüksələn, bədəndən çıxıb trans halında başqa aləmlərə gedib geri gələ bilən ruhuna da “Bur” və ya “Bura” adı verilir. Burhan/Burkan sözü Moğol Buddizmində həm Buddanı, həm də yaxşı ruhları ifadə edər. Burhanlar, yəni yaxşı ruhlar çox güclüdürlər və bir şaman belə onlara təsir etməyi bacarmaz. Əğər insanı xəstə edərlərsə, şaman yalnız xəstəni rahat bıraxmalarını ondan rica edə bilir. Sadəcə çox güclü bir Keltegeyi/Yardımcı ruhu olan bir şaman, Burhan ruhunu kontrol altında tuta bilir. Anlam: (Bur/Bor). Qutsal ruh deməkdir. Bura/Burçin, yəni “maral “ və Burcu, yəni parfüm sözləriylə eyni kökdəndir”. Maraqlıdır ki, “misk” deyilən dünyanın ən gözəl və bahalı ətiri, erkək maralın qarnının altında yerləşən bir vəzin ifrazatından alınır. Maral dişisini tapmaq üçün bu gözəl ətirdən istifadə edir. Yenə Deniz Karakurda görə: ”PİR həm də: Qoruyucu övliya, mütəsəvvüf, ermiş, şeyx deməkdir, yəni hərhansı bir işin uzmanı. Bir sənət və ya bilimin mənəvi qurucusu və qoruyucusudur. Türkcə “Bir” sözü ilə bənzərliyi diqqət çəkicidir. Ayrıca təsəvvüfə dayanan bir məslək olan, Ahilikdə bir çok peyğəmbərlər, hansısa bir məsləyin piri sayılır. Məsələn: Hz. Adəm; Çiftçilərin, Hz. İsa; Dülgərlərin, Hz. Şit; Pambıqçıların, Hz. İdris; Dərzilərin, Hz. Salih; Dəvəçilərin, - Hz. İbrahim; Südçülərin, - Hz. İsmail; Ovçuların, Hz. İshak; Çobanların, Hz. Zülkifl: Fırınçıların, Hz. Üzeyr; Bağbanların, Hz. İlyas; Toxucuların, Hz. Davud; Dəmirçilərin, Hz. Yunus; Balıqçıların, Hz. Yusuf; Yorumçuların/Yuxu yozanların, Hz. Nuh; Gəmiçilərin” piridir.
“Hor sivilizasiyası və onun günümüzdə izləri” kitabından. F. Rüstəmova