Ukrayna noyabrın 29-na keçən gecə mümkün raket hücumları ilə bağlı risklə üz-üzə qala bilər.

Globalinfo.az xəbər verir ki, bu barədə “Insider UA” Teleqram kanalı məlumat yayıb.

Kanal bildirir ki, Rusiya qüvvələrinin strateji aviasiyadan istifadə edərək zərbələr endirməyə hazırlaşdığına dair əlamətlər müşahidə olunur.

Eyni zamanda ballistik raket hücumu ehtimalının artdığı, gecə saatlarında təxminən 600 pilotsuz uçuş aparatının iştirakı ilə mümkün kütləvi hücum barədə xəbərdarlıq edilir.

Qeyd edək ki, noyabrın 25-də Ukraynanın energetika infrastrukturuna genişmiqyaslı hücum həyata keçirilib. Rusiya Müdafiə Nazirliyi bu əməliyyatın Ukrayna ordusunun Rusiyanın mülki obyektlərinə zərbə cəhdlərinə cavab olaraq endirildiyini açıqlayıb.