Qorumaq - Tanrı qor - usun, qor- uyucu mələk kimi Azərbaycan dilində ifadələr var. Tanrı qorusun dedikdə də bu ifadənin içərisində gizli bir “Qor tanrı” sözü də olduğunu görürük. Bəlkə “Qoru/Qoruq/Qorumaq” kimi arxaik sözlər Hor-Qor tanrısı dövrünün yadigarıdır. Qorumaq sözündəki “Qoru” feli, yəni sözün kökü məlumdur,şəkilçi olaraq qəbul etdiyimiz “maq”isə Tanrı və peyğəmbərlərin göstərdikləri Kəramət, yəni “Magia” ilə də bağlı ola bilər. Hansı coğrafi ərazidə olmağımıza baxmayaraq, bizi qoruyan Tanrı bir Magik qüvvə deyilmi? Qorumaq sözü Yoruba dilində “kara”, Özbək d. “qorovul”, Fransız d. “gardien”, Portuqal və Qalisiya dilində “curador” (qoruyucu - mühafizəçi ) deməkdir. Qorunan/Qoruq - hifz edilən deməkdir. Xranit/Xrani, Kara-ul (Rusca), Vall d. “gwarchod“, Qazax d. “korğay”, Qırğız d. “koqoo“, Polyak d. “chronic”, Sloven d. “chranit“, Türk d. ”korumak“, Çex d. “chranit” deyilir. Bir də “Qoruq” deyilən və girilməsi qadağan olan ərazilər vardır. Göktürkcə “Korcu”qoruyucu, “Korğan”qorunan yer deməkdir.
Deniz Karakurda görə:”KORIĞ: Tabu/Qadağa. Ekvivalenti: Koruk, Koruğ, Koru, Kori Yapılması, toxunulması, gedilməsi, söylənməsi dini və ya metafizik mənada bir sonuca bağlanmış olan “yasaq/qadağa”. Nağıllarda sıx- sıx görülən yasaqlar bu şəkildədir: 1. Baxma yasağı: igidin geriyə dönüb baxmaması gərəkir. Bəzən də heç kimsəyə və ya heçbir yerə belə başını çevirib baxması yasaqlanır. Geriyə baxma yasağından Quranda Luta aid ayələrin içərisində də bəhsedilir. 15:65-“ Gecə vaxtı ailəni dərhal yola çıxart. Sən də onların arxasınca get. Sizin heç biriniz dönüb arxaya baxmasın”.
2. Uyuma yasağı: Bir ağacın altında əjdəhanı gözləyən igidin uyumaması gərəkdir. Bunun üçün qolunu kəsərək duz basar. 3. Söyləmə yasağı: Bəzi sözlərin söylənməməsi və ya heç kimlə qonuşulmaması gərəkdir. Özəlliklə qutlu heyvanların adı anılmaz. Məsələn: “Qurda”; “Büri, Ul” deyilməsi, “Yoxa”;“Xeyir” deyilməsi kimi. Bəzi varlıqları anmaq da onları çağırmaq deməkdir. Anlam: (Qor/Kor/Gor) Qorunan şey deməkdir. Qorumaq felindən gəlir. Qor (atəş) mənası ilə də əlaqəlidir və yasağa uymamanın nəticəsində atəşin yandırmağı/yakıcılığı ilə bağlılığı mənasını da daşıyır. Göktürk Türkcəsində “Korcu”, “Korgan”, “Korğavuş/Korıçı” kimi sözlər var ki, mənası “Qoruyucu, Qorunan yer, Müdafiəçi”, “Korukçu”; ”Mühafizəçi” deməkdir.
(“Hor sivilizasiyası və onun günümüzdə izləri” kitabından) F. Rüstəmova