Rusiya Prezidenti Vladimir Putin Ankarada müqəddəs kitab “Quran”dan sitat gətirib.

Bu Rusiya-İran-Türkiyə üçtərəfli görüşünün yekunlarına dair keçirilən mətbuat konfransında baş verib.

“Allahın mərhəmətini yada salın. Siz nə vaxtsa düşmən olmusunuz. Allah ürəklərinizi barışdırıb sizi qardaş etdi”, - Putin müqəddəs kitabdan bu sitatı dilə gətirib.

Rusiya lideri Ankarada keçirilən görüşü müsbət qiymətləndirib.

Üç ölkə arasında növbəti sammit Tehranda keçiriləcək.

Bəzi siyasi şərhçilər Putinin bu çıxışını İslamı qəbul etməsi kimi qiymətləndirir. Lakin rəsmi Moskva bu haqda dəqiq açıqlama verməyib.