İsrailin İrana hücumundan sonra dünya bazarında neftin bahalaşacağı gözlənilirdi. Son 24 saat ərzində isə əks tendensiya müşahidə olundu – qiymətlər aşağı düşdü. Belə ki, səhər saatlarında keçirilən ilk hərraclarda Londonun ICE birjasında neftin qiyməti 3 dollara yaxın ucuzlaşaraq 69,50 dollara, Nyu-Yorkun NYMEX birjasında isə WTI markalı neft 66,69 dollara qədər enib.

Bu dəyişiklik hansı amillərlə bağlıdır?

Globalinfo.az-a danışan iqtisadçı Elçin Məmmədov bildirib ki, neftin ucuzlaşmasına bir neçə əsas faktor təsir göstərir:

“Əsas səbəb Yaxın Şərqdə İran və İsrail arasında gərginliyin azalmasıdır. Bu, bazarda panikanın qarşısını aldı və neftin ucuzlaşmasını sürətləndirdi. Xüsusilə Fars körfəzinin bağlanması riski qalxandan və nəticədə təchizat zəncirində yaranacaq böhran ehtimalının azalmasından sonra qiymətlər enməyə başladı. Amma hazırkı vəziyyət dəyişə və regiondakı hər hansı yeni hadisə qiymətlərin artmasına gətirib çıxara bilər”.