"İsveçin NATO üzvlüyü məsələsində Türkiyə ilə birlikdə hərəkət edəcəyik".

Publika.az xəbər verir ki, bunu Macarıstanın xarici işlər naziri Peter Siyarto deyib.

“Türkiyənin mövqeyində dəyişiklik olarsa, təbii ki, Macarıstanın NATO-ya üzvlük prosesində heç bir ölkəyə mane olmayacağına dair verdiyimiz sözə əməl edəcəyik", - o əlavə edib.

Xatırladaq ki, iyulun 11-12-də NATO-nun Vilnüsdə sammiti keçiriləcək.

Məlumata görə, Macarıstanın baş naziri Viktor Orban iyul ayında tətilə gedəcək parlamentin keçən çərşənbə axşamı günü keçirilən iclasında yenə İsveçin NATO üzvlüyünə dair səsverməni gündəmə gətirməyib. Bildirək ki, İsveçin NATO-ya üzvlüyü ilə bağlı səsvermə ötən ilin iyul ayından bəri hələ də parlamentdə müzakirə olunmur.