Türkiyə prezidenti Rəcəb Tayyib Ərdoğan Türkiyənin Stokholmdakı səfirliyinin qarşısında Qurani Kərimin yandırılması hadisəsindən sonra İsveçin NATO-ya üzvlük məsələsində Türkiyə hakimiyyətinin dəstəyinə ümid edə bilməyəcəyini deyib.
Publika.az xəbər verir ki, onun sözlərinə TASS sitat gətirib.
"İsveçdə, hətta diplomatik missiyamızın yanında belə çirkin hərəkətlər müsəlmanlara, ümumilikdə bütün insanlara, bütün hüquq və azadlıqlara təhqir hesab olunur”, - Türkiyə lideri vurğulayıb.
Onun sözlərinə görə, İsveç Şimali Atlantika Alyansına daxil olarkən artıq dəstək gözləməməlidir, çünki ölkə "terrorçuları dəstəkləməyə davam edir".
