"Fürsətdən istifadə edərək, ölkəmizə dost dövlət olan Türkiyə Respublikasına və şəxsən Prezident Ərdoğana təşəkkürümü bildirmək istəyirəm".

Publika.az xəbər verir ki, bu barədə baş nazir İrakli Qaribaşvili, hökumətin bu günkü iclasında qeyd edib.

Baş nazirin sözlərinə görə, prezident Ərdoğanın göstərişi ilə Türkiyə təyyarələri qısa zamanda ölkəmizdə baş verən yanğınların söndürülməsinə cəlb edilib:

"Sizə demək istəyirəm ki, Xarici İşlər Naziri Türkiyəli həmkarı ilə danışıb. Mənim yardım xahişim Türkiyə prezidentinə çatdırılan kimi, dərhal əmr verdi və cəmi bir saat ərzində artıq üç təyyarə havaya qaldırıldı. Əlbəttə, biz bunu çox yüksək qiymətləndiririk və biz gürcülər bu yardımı unutmayacağıq. Bir daha onlara, xüsusən də pilotlara təşəkkür etmək istəyirəm. Yanğınların söndürülməsində xidmət göstərən qürurlu xilasedicilərimizə, polislərimizə, ordumuza və hər kəsə təşəkkür etmək istəyirəm", - deyə İ. Qaribaşvili bildirib.