Rusiya Prezidenti Vladimir Putin və ABŞ Prezidenti Co Baydenin Səudiyyə Ərəbistanında fərqli qarşılanması Moskvanın regionda artan rolundan xəbər verir.

Cebhe.info xəbər verir ki, bu fikri Almaniyanın "Welt" nəşrinin köşə yazarı Daniel-Dilan Bemer bildirib.

Jurnalist xatırladıb ki, Baydenin sələfi Donald Trampın 2017-ci ildə Ər-Riyada səfəri zamanı o, rəqslər və qılınclarla qarşılanıb. Bundan başqa, amerikalı liderə sarayı xatırladan ayrıca hotel də ayrılıb.

Bemer bildirib ki, Rusiya Prezidenti Putin daha səmimi qarşılanıb. Belə ki, Rusiya lideri 2019-cu ildə Səudiyyə Ərəbistanının paytaxtına gələndə onun kortejini 16 atdan təşkil edilmiş eskopt müşayiət etmiş və o, kral ailəsinə məxsus əsl sarayda yaşamışdı.

"Bu qarşılanma Trampın qarşılanma prosesindən geri qalmırdı və Putinə verilən dəyər həmin vaxt pik həddə çatmışdı", - deyə Bemer qeyd edib.

Onun fikrincə, Bayden o qədər də təmtəraqlı qarşılanmayıb.

Bemer vurğulayıb ki, Bayden Bəhreyn, Qətər, Küveyt, Oman və Birləşmiş Ərəb Əmirliklərinin dövlət başçılarının da daxil olduğu Körfəz Əməkdaşlıq Şurasının iclasında iştirak edəcək.

“Rusiyanın Yaxın Şərqə təsirinin artan səviyyəsi protokol jestlərində də özünü göstərir”, - Bemer yekunlaşdırıb.

Xatırladaq ki, bir müddət əvvəl Baydenin heç bir məna kəsb etməyən sualına görə, Səudiyyə Ərəbistanının vəliəhd şahzadəsinin onun üzünə güldüyü bildirilmişdi.

Sevinc Tapdıqqızı
Cebhe.info