Avropa Parlamentinin məruzəçiləri – Azərbaycan üzrə Zhelen Zavko, Ermənistan üzrə Trayan Basesku və Avropa Parlament Əməkdaşlıq Komitəsinin Azərbaycan, Gürcüstan və Ermənistan üzrə həmsədri Mariya Kalyuran ilk dəfə birgə bəyanat qəbul etdilər.

KONKRET.az xəbər verir ki, bu, Avropa Parlamenti rəsmilərinin Azərbaycanın işğal olunmuş ərazilərindəki qanunsuz fəaliyyətlərlə bağlı ilk birgə sənədidir.

Sənəddə tərəflər Dağlıq Qarabağ münaqişəsinin Azərbaycanın beynəlxalq səviyyədə tanınmış sərhədləri daxilində həllinə çağırılır.

Qeyd etmək lazımdır ki, belə bir bəyanatın qəbul edilməsi Ermənistanın və Nikol Paşinyanın diplomatik cəbhədə növbəti məğlubiyyətidir.